– evaluaciens CM2 2009 :
Cada annada , l’a deis evaluaciens nationalas per veire coma travalhon leis pichons .Normalament , leis evaluaciens son a la debuta de l’annada e son una ajuda per leis ensenhaire : podon veire lei difficultats de cada escolan e donc de leis ajudar .
En 2009, leis evaluaciens son en genier e son sus TOT lo programí de CM2 .Conoissi pas força classas monte lo programí es acabat en Genier ….
En realitat , l’objectiu es de montrar que leis escolans son en difficultat donc que l’escòla marcha pas donc que la reforma dau governamant es necessari …
– Supression dei RASED:
Lei RASED son constituats d’ensenhaires especialisats (ortofonia, psicologia…) .Quora l’avià un pichon en difficultat , l’avià un regent dau rased que venià lo prendre una o dos oras per semana per parlar , per assajar de comprendre ço qu’avià lo pichot , ço que l’empechava de travalhar en classa , per assajar d’ajudar lei pichots qu’avian dei problemis d’ortofonia ….
Ara , lei rased son supprimats .Lo governament a mes en placa lo sosten escolari per ajudar leis pichots : lo sosten es una mieja ora per jorn , assurat per leis ensenhaires (donc pas especialisats ) e a per objectiu d’ajudar leis escolans en difficultat escolari .Eisempi :
Ai un pichot dins ma classa , a agut una vida difficila fins a vuei , es en CM1 mai saup pas legir e subretot vou pas travalhar .Ieu , lo podi prendre cada matin en sosten , cambiarà ren .A pas besonh d’un regent , a besonh d’una ajuda psicologica e siau pas capable de faire aquo !
Eisempi 2 : ai un autre pichon dins ma classa, pas de problemis de comportament , es uros d’estre en classa e vou apprendre mai a dei difficultats per demorar concentrat : l’escòla comenca a 9 oras , a 11 oras , aqueste pichon es ja alassat .Alòrs, li apondre une mieja ora de mai dins la jornada , me demandi s’es vertadierament l’ajudar …..
Mai la supression dei RASED fara una economia per lo governament .Lei regents dau RASED van junhir dei classas « normalas » ( es aquo o la demission, l’a pas força posibilitats dins l’educacion nacionala)donc , pas de creacion de postes l’annada venanta .
– Leis EPEP:
Leis escòlas de villatge ?Acabat !
Ara , se l’a mens de 10 CE1 o CM2 dins l’escòla (quitament se l’a 35 escolans per classa en CP, CE2 e CM1)leis escòlans devran anar dins un EPEP , granda escòla que sara dins la ciutat la mai proche(sistemi dei collegi).
Leis EPEP seron dirigadas per un director qu’aura pas de classa .Lei subvencions publicas seron donadas ais escòlas segon lei resultats …E se una escòla a besonh de moneda , podrà demandar a una entrepresa privada de venir faire de publicitat a l’escòla …
Imagini ja : « Vuei , anem veire l’alimentacion .Per ben manjar e ben creisser, fau manjar dei liumes ,coma lei liumes XXXX que son chanuts , força bon e que son plen de vitaminas…Anem escriure la leisson : per ben creisser, fau manjar dei liumes XXXXX….
Bon d’accòrd, exageri mai bon, aquo fa paur ….
-Leis remplaçaires :
Quora l’aura un regent absent (una semana ) pas de remplacaires .Lei pichots demoraron a l’ostau o dins una autra classa (de la mena un CP en CM2 que passara sa jornada a colorejar perque lo regent de CM2 a ja una classa e pas gaire de travalh de CP dins sa classa…)
Quora l’aura un regent absent ( mai d’un mes ) sera remplaçat per quauqun que vendra de l’ANR(agence nationale de remplacement ) , l’ANPE dei regents que sara mesa en plaça en setembre .Serà donc quauqun qu’aura ges de qualificacions per ensenhar e que sara pagat una misera….
-leis programis :
Aquesta anada ja , mens de temps ( lo dissabte de matin) mai mai de travalh de faire .Per capitar d’acabar lei programis , una solucien : leisson magistrala , e repeticion.
Eisempi : per faire una multiplicacion, fau faire coma aquo .repeticion cada jorn .A la fin de la semana, leis escolans son capables de faire una multiplicacion mai sabon pas quora fau l’emplegar …
E l’a encara un molon d’autras cavas que fan que l’escòla es de venir una entrepresa e que lei regents se fan tustar dessus ( eisempi , l’a una escòla a costat de la mieuna qu’a decidit de faire un boycot dau sosten escolari una semana ( donc 4 miejas oras ) .Leis ensenhaires, en plaça de faire sosten, an fach deis acamps per preparar lei projects de l’escòla.An tots reçauputs la semana darniera una letra : Una semana de paga retirada en febrier per aquo !!!)
Per un còp , leis ensenhaires son pas defòra dijous per lor pagas , o lo temps de travalh mai per leis escolans .Vòlem pas arrivar a una escòla monte l’aura li bons escolans e les autreis , qu’auran degun per leis ajudar , degun per leis escotar …
Lo governament assaja de demontar l’escòla coma lo resta , se fau bolegar per cambiar aquo !
Dijous , lo 29 de genier , tots per carrieras!!!!!!
la darboniera 
Comentaris recents